Ambasadorja Amerikane Yuri Kim ka reaguar në një postim në rrjetet sociale duke i kërkuar Këshillit të Emërimeve në Drejtësi që të veprojë shpejt për të vlerësuar kandidatët për Gjykatën Kushtetuese.
Yuri Kim shkruan se Shqipëria duhet të ketë Gjykatën Kushtetuese deri në fund të këtij viti.
Postimi i plotë: “Presidenca dhe Parlamenti tani kanë publikuar listat e tyre përkatëse të kandidatëve për Gjykatën Kushtetues. Ne i duartrokasim ata që iu përgjigjën thirrjes për të shërbyer. Ne inkurajojmë Këshillin e Emërimeve në Drejtësi të veprojë shpejt për të vlerësuar kandidatët. Shqipëria duhet të ketë Gjykatën e saj Kushtetuese deri në fund të vitit”.
