BE ka hapur zyrtarisht negociatat me Shqipërinë. Ishte ministri i Punëve të Jashtme të Republikës së Çekisë, Jan Lipavský, i cili e njoftoi në përfundim të Konferencës së Parë Ndërqeveritare që po mbahet në Bruksel sot.
“Në këtë slide mund të shënojmë hapjen e negociatave për anëtarësimin e Shqipërisë në Bashkimin Evropian. Pra momenti nisi tani”, tha ministri i Jashtëm çek
Por sa kohë zgjat anëtarësimi?
Ritmi i negociatave varet nga shpejtësia e reformës dhe përafrimi me ligjet e BE-së në çdo vend dhe kohëzgjatja e tyre mund të ndryshojë. Komisioni Evropian përshkruan progresin e vendeve kandidate në raportet vjetore.
Për Maqedoninë e Veriut dhe Shqipërinë, ekzekutivi i BE-së tha në vlerësimin e vitit të kaluar të dy vendet ishin ‘mesatarisht të përgatitura’ në shumicën e gjashtë grupeve dhe kanë parë njëfarë progresi.
Realisht, mbyllja e kapitujve mund të zgjasë disa vite, siç ka ndodhur me Serbinë apo Malin e Zi