Bejko: Për kë keni votuar, ooo njerëz?!

Kreu i PD Gjirokastër Roland Bejko ka reaguar ndaj mungesës së ndjeshme të shërbimeve në Bashkinë e Gjirokastrës. Reagimin Bejko, e ka anoncuar në rrjetin social Facebook i shtyrë nga paaftësia e treguar ditëve të fundit nga mungesa e disponibilitetit prej organeve bashkiake në terren, në motin me shira të shumtë ku pati përmbytje. Bejko shprehet se gjirokastritët po shikojnë me sytë e tyre, paralizimin e të gjitha shërbimeve ndaj komunitetit prej Bashkisë së Gjirokastrës dhe kryebashkiakes Zamira Rami. Qyteti i Gjirokastrës, po përballet me kapitullimin total të bashkisë në ofrimin e shërbimit ndaj vetë qytetarëve-shprehet Bejko duke sjellë prova konkrete.

Reagimi i plotë i Roland Bejkos në Facebook.

 

Ndërkohë që njerëzia është e kapur nga diskutimi për fitoren e Tramp në SHBA, qyteti i Gjirokastrës përballet me kapitullimin total të Bashkisë në ofrimin e shërbimeve ndaj qytetarëve të saj.

1-Shikoni grumbullin e plehrave. Gjendet në hyrje të shtëpisë prindërore të kryetares së Bashkisë Zamira Rami. Mungojnë koshat se në vendin e tyre u ndërtua ky pallat me lejen e saj. Për inerci qytetarët symbyllurazi i hedhin plehrat aty ku më parë ishin koshat si për inat të kryetares.

2-Fotot e kalldrëmit të Varroshit që ka vetëm disa muaj që u rindërtua, është çarë për shtrimin e tubave të ujësjellësit qysh prej një muaj, por ende nuk është mbyllur, nuk është rehabilituar. Shirat e kanë dëmtuar gjithë strukurën e rrugës së çarë duke e thelluar kanalin edhe më shumë. Zhavori ka mbuluar rrugët prej ditësh, por askush nuk po e pastron. Kjo gjendje është në të gjitha lagjet e qytetit. U shkatërruan rrugët, u mbuluan kolektorët e shkarkimit të ujrave nga zhavori i kanaleve të hapura dhe të pambyllura prej muajsh, u shkatërruan makinat nga gropat, u përmbytën nga uji që s’di ku të shkojë e shkon nga të dojë.

3-Betoni i ka bllokuar hyrjen shtëpisë 100 vjeçare të Kallajxhinjve në lagjen Palorto.

4-Ja si hapet një kanal për një riparimin e linjës së ujit të pijshëm në Paris, në një lagje të vjetër pranë Pantheonit. Hapet dhe mbyllet brenda natës pa u bërë barrë e rëndë për jetën e banorëve dhe mjetet motorike të lagjes.

Korrupsioni me fondet publike, ja ku është. Te punimet pa cilësi, jashtë standarteve.

Ik Zamira, jep dorheqjen se nuk e menaxhon dot qytetin.

Gjirokastra do jetë më mirë pa ty !

 14962822_10211529065327316_57456831_n 14962966_10211529066367342_678028613_n 14971158_10211529066127336_201686451_n 14997152_10211542068212380_1461463790_n 15045668_10211529063527271_78997116_n 15045756_10211529065167312_1411509909_n 15045835_10211529064487295_110826223_n 15049819_10211542069772419_1136916404_n parisi

SHPËRNDAJE

Shkruaj nje koment