Hapet segmenti rrugor Picar – Golem pas bllokimit disaditor si pasojë e rreshjeve të dëborës. Punonjësit e Agjencisë së Shërbimeve Publike të Bashkisë Gjirokastër kanë ndërhyrë për zhbllokimin e këtij segmenti që tashmë është I kalueshëm, duke nxjerrë nga izolimi banorët e kësaj zone.
Rruga që të çon në fshatin Golem, njësia administrative Picar është e kalueshme pas ndërhyrjes me mjete për largimin e dëborës.
Ndonëse qyteti I Gjirokastrës nuk u prek nga reshjet e borës, disa fshatra të thellë malorë u izoluan si pasojë e reshjeve intensive të dëborës. Shqetësuese mbetet situata për fshatrat e Kurveleshit ku sasia e dëborës I kalon të 50 cm. Probleme ka edhe në zonën e Zagorisë.