Deputeti socialist Erion Braçe ka rrëfyer marrëdhënien e tij me kryeministrin Edi Rama.
I ftuar në emisionin “Më lër të flas” në TCh, Braçe tha se i ka marrëdhëniet shumë të mira me kryeministrin.
Sipas tij, një muaj flasin e dy muaj nuk flasin, por me këtë mënyrë komunikimi thotë se kanë arritur të zgjidhin shumë punë.
Pjesë nga biseda:
Romeo Veshaj: Si i ke marrëdhëniet me kryeministrin?
Braçe : Shumë të mira i kam marrëdhëniet me kryeministrin, një muaj flasim dy muaj nuk flasim, pastaj muajin e tretë zihemi prapë e nuk flasim për katër muaj. Është një mënyrë komunikimi mbi bazë të së cilës bëhen disa punë.
Romeo Veshaj: Mua më dukeni si një çift toksik
Erion Braçe: Mundet, por çmimi i lëndëve toksike që përdoren për bujqësi është rritur shumë.