Deputeti i kërkon llogari, ministri grek: Presim sqarime nga Shqipëria, si u vra Katsifas

0
148

Ministria e Jashtme greke deklaron se çështja e rrethanave të vrasjes së minoritarit Konstandinos Katsifas është në qendër të vëmendjes. Përgjigja e ministrisë së Jashtme greke që drejtohet nga Dendias, erdhi pas kërkesës së një deputeti të shumicës qeverisëse, Maximus Charakopoulos.
Deputeti i partisë në pushtet dhe kryetari i Komisionit të Përhershëm për Administratën Publike, Rendin Publik i paraqiti një kërkesë me disa pyetje mbi këtë temë.
“ Autoritetet shqiptare duhet të ndalojnë pengimin dhe sqarimin e rrethanave të vrasjes së Katsifas. Nuk është e mundur që një vend që kërkon të bashkohet me familjen evropiane të mos marrë parasysh parimet themelore të shtetit të së drejtës.
Tirana duhet të kuptojë që procesi i pranimit në BE nuk është i vetëkuptueshëm, por presupozon respektimin e rregullave të respektit absolut të të drejtave të njeriut, si dhe respektimin e të drejtave të Pakicës Kombëtare Greke ” shkruante ndër të tjera deputeti.
Në përgjigjen e tij, ministri Dendias thekson se “ që nga tetori 2018 jam duke monitoruar nga afër çështjen dhe duke e ngritur atë me partnerët ndërkombëtarë. Ishte e qartë se autoritetet shqiptare kanë vonuar ndjeshëm përfundimin e hetimit për këtë çështje.
Ky është një kusht i domosdoshëm për të rivendosur ndjenjën e tronditur, ndërsa do të kontribuojë gjithashtu në përmirësimin e klimës në marrëdhëniet tona dypalëshe me Tiranën.
Sqarimi i plotë i kësaj çështje lidhet drejtpërdrejt me funksionimin efektiv të shtetit ligjor në vendin fqinj, i cili është një faktor vendimtar në procesin e tij të pranimit ” ishte ky reagimi i ministrisë së Jashtme greke. Konstandinos Katsifas u ekzekutua dy vite më parë në Bularat në një përplasje me RENEA-n, pasi hapi zjarr kundër efektivëve.

LEAVE A REPLY

Please enter your comment!
Please enter your name here