Kreu i Zyrës së Rregjistrimit të Pasurive të Paluajtshme në Gjirokastër Meleq Karabina, ka paraqitur dorëheqjen e tij nga ky post.
Lajmi bëhet i ditur për Jugunews.net nga burime zyrtare prej kësaj zyre.
Zoti Karabina ka mbërritur mëngjesin e sotëm në zyrën e tij dhe pasi ka organizuar një mbledhje me stafin e ZRPP ku ka dhënë orjentime për përshpejtimin e procedurave në shërbim të qytetarëve, ka njoftuar dorëheqjen si kërkesë e bërë një ditë më parë nga kryeministri Edi Rama.
Dorëheqjen zoti Karabina, e ka dërguar përmes rrugës postare në Drejtorinë Qëndrore të Hipotekave.
Po sot pas mesdite, pritet dorëheqja e krerëve të ZRPP në Tepelenë Pëllumb Milori dhe në Përmet Gentian Kukureci.
Një ditë më parë kryeministri Edi Rama në një takim me gjithë drejtuesit vendorë të ZRPP-ve, u kërkoi këtyre të fundit dorëheqje vullnetare brenda 24 orëve.
Shkak ka qenë vonesa e shërbimit ndaj qytetarëve.
