Guvernatori i Bankës së Shqipërisë, Gent Sejko ka folur për marrëveshjen me Bankën Qendrore Europiane për mbrojtjen e monedhave nga falsifikimi.
Gjatë një komunikimi për mediat, ai tha se fenomeni i falsifikimit të monedhave duhet të goditet në kohë.
Sipas tij, edhe pse ka rënie të numrit të kartëmonedhave të falsifikuara, ky fenomen mbetet sfidë për autoritetet kompetente.
Sejko theksoi se nevojitet vigjilencë, pasi falsifikuesit po përdorin teknologji të avancuara.
