Një shtetas i shpallur në kërkim ndërkombëtar është arrestuar nga policia e Fierit, në bashkëpunim me Interpol Tirana. Në pranga është vënë shtetasit Edmond Braka, 43 vjeç, banues në Fier.
Arrestimi i tij u bë me qëllim ekstradimin drejt Italisë, shtet ku ky person është i dënuar. Gjykata e Genovas, Itali e ka dënuar Edmond Brakan me 16 vite burgim, për veprën penale “Vrasje me dashje”.
Interpol Tirana, në bashkëpunim me Interpol Romën, vijon procedurat për ekstradimin e këtij shtetasi drejt Italisë.