Gjirokastër/ Covid-19 kufizon festimet e maturantëve për mbylljen e shkollës

0
156


Festimet e maturantëve janë ato çka mbahen mend çdo vit në këtë periudhë qershori.Përfundimi i një cikli dhe përgatitja për të filluar një tjetër në jetën e tyre , nis me festimet në shkollë e kulmon me mbrëmjen e maturës . Të gjithëve u kujtohet festimi i kësaj dite , ku shkolla buçiste nga këngët, vallet e zërat e hareshëm të maturantëve , apo lojërat me miell e vezë , bluzat e bardha dhe shkrimet që i dedikonin njëri-tjetrit për shoqërinë e tyre disavjeçare. Por këtë vit në dallim nga vitet e shkuara situata nga Covid19 i ka penalizuar maturantët të argëtohen dhe festojnë .
Në Gjirokastër për shkak dhe të urdhërit të ministrisë së shëndetësisë dhe arsimit për ndalimin e festimeve masive është krijuar një atmosferë e vakët. Të paktë në numër maturantët kanë dalë rrugve të qytetit për të shijuar ditën e tyre për disa momente duke kthyer sërish mëpas qetësin e zakonshme. Në ditët në vijim maturantët do të japin dhe provimet përfundimtare të cilat këtë vit do të jenë ndryshe nga një vit mëparë . Testi do të jetë me alternativa ndërsa janë ashpërsuar masat për maturantët që do thyejnë rregullat .

Shkruaj nje koment