Gjirokastra, dikur dhe sot/Të varfër por të lumtur!

0
135


E mbushur plot me njerëz ,fëmi të reja e të rinj por edhe të moshuar,kjo është gjëja e parë që të bie në sy kur shikon foto të vjetra të Gjirokastrës.Ky qytet i bukur i gdhendur në gurë nga natyra po shkërrmoqet nga politika.Ky oktapod gjigand e i poshtër që po shtrin tentakulat e tij në ” anijen kokëfortë” për ta fundosur në detin e zymtë të marrëzisë.
Të varfër por të lumtur! Nëse pyet gjirokastritët për të shkuarën ata të përgjigjen vetëm me këtë shprehje. Nuk dinin shumë ,nuk kishin shumë ,por ato pak që zotëronin ishin gjithçka për ta .Ndërsa sot ka gjithçka që mund të duash por me një kosto tjetër.Gjirokastra ka qenë përherë një qytet me potenciale të shumta natyrore ,historike dhe kulturore të cilat mbroheshin me fanatizëm.Por brezat e sotëm e kanë humbur dëshirën për tu kujdesur për to ,për të respektuar traditat dhe vlerat autentike të qytetit . Nëse dìkur pazari i gjirokastrës ,kalldrëmet gjallonin nga njerëzit ,sot është e vështirë të gjesh njerëz.Një nga të këqijat më të mëdha që mund ti bësh një vendi është ti largosh “trurin”.E për fat të keq Gjirokastra po e humbet atë dita ditës.Shpresa e një kombi mbahet tek të rinjtë,por sot këta të rinj i gjen rrugëve të Evropës pa asnjë dëshirë për tu kthyer në vendin e tyre dhe për këtë faji mbetet tek politika.Te ai që ka pushtetin,i cili fatkeqësisht ka mbjellë farën e zezë ,në këtë tokë të begatë që po mbetet e shkretë.
Gjirokastra e intelektualëve të mirënjohur, Gjirokastra e ideve ,e punës ,e jetës ,e vullnetit ,e artit , e kulturës ,e bujqësisë e blegtorisë, e fabrikave ,e tokës ,e fushës ,e malit ,e lumit dhe e liqenit, e plakut e plakës ,të riut dhe të resë ,e fëmijës e foshnjës ,Gjirokastra krenare po “i ulet koka ” nga ” armiqtë” që i mbajti në djep ,i tundi e i përkundi ,i rriti i bëri ” zotërinj” dhe në fund ata i bënë gjëmën. E lanë në baltë ,e plaçkitën e dhunuan dhe po vazhdojnë tia heqin atë pak shkëlqim atë fije dritëze që i ka mbetur për shkak të arrogancës së tyre ,paditurisë, e për më tepër zemrës së keqe ,pangopshmërisë.Këta ” huliganë” që po ” torturojnë nënën e tyre ” duke i hequr nga vetja çdo ditë diçka .
Por sërish midis dritë-hijesh ,Gjirokastra nuk dorëzohet ,me shpresën që nuk e lë të vdesë, ajo pret në heshtje një mrekulli tia shërojë plagët dhe ta lërë të marr frymë lirisht.

Shkruaj nje koment