Për 20 minuta qyteti i Gjirokastrës, ka ngelur në errësirë të plotë si pasojë e mungesës së energjisë elektrike.
Jugunews.net është interesuar për këtë anomali tek stacionin elektrik i qytetit por përvecse nuk ka marrë asnjë lloj përgjigje pasi të gjithë flinin punonjësit e OSHEE, dikush prej tyre është bërë i gjallë duke na “sugjeruar” se duhet të merrnim informacion në Fier.
Në ligjëratë të drejtë sugjerimi i punonjësit të OSHEE ndaj interesimit të Jugunews.net ka qenë:
“O derman, nuk të bëjëm dot gjë, më mirë shko në Fier të keqen dhe interesohu, hajd njatjeta se isha në gjumë”.
Ishte përgjigja kjo e përfaqësuesit të OSHEE Gjirokastër pas interesimit të Jugunews.net se përse qytetarët e Gjirokastrës, apo dhe të fshatrave përreth nuk kanë energji elektrike.
Pra një kompani si OSHEE me këtë nivel komunikimi dhe dhëniesh informacioni, përfaqësohet sot në Gjirokastër.
