Pas kërkesës së kreut të KQZ-së, Ilirjan Celibashi, Lulzim Basha ka dërguar vërtetimin e Gjykatës së Tiranës përmes së cilës i vërteton se ai është kryetar i PD-së.
“Bashkelidhur me vërtetimin e gjykatës së rrethit Tiranë i cili konfirmon se me urdhrin e ministrit të drejtësisë nr 12, datë 19.12.1990 është miratuar krijimi i partisë demokratike dhe ky doumentacion është depozituar në zyrën e regjistrimit të partive. Kryetari Lulzim Basha është personi i vetëm i autorizuar të paraqesë në emër të partisë kandidatët për kryetar bashkie në zgjedhjet e pjesshme”, thuhet në dokumentin e PD, bashkëngjitur vërtetimit të gjykatës.