Goditet banda italo-shqiptare, me ta bashkëpunonin edhe mjekë. Sekuestrohen 500 mijë euro, 9 në pranga

0
67

Autoritetet gjyqësore dhe ligjzbatuese në Itali dhe Shqipëri kanë çmontuar një rrjet kriminal që dyshohet se ka kryer mashtrim ndaj sistemit kombëtar shëndetësor italian, korrupsionit dhe trafikut të barnave me përmbajtje narkotike.

Sipas njoftimit të SPAK, janë arrestuar nëntë të dyshuar dhe u sekuestruan më shumë se 500 000 euro nga llogaritë bankare të të dyshuarve bashkë me barna me përmbajtje narkotike në vlerë prej 20 000 euro.

Grupi i Organizuar Kriminal dyshohet se vepronte mes provincës së Milanos, në Itali, dhe Shqipërisë, në bashkëpunimin e mjekëve dhe infermierëve që punojnë në spitalet italiane. Grupi organizuar kriminal u ofronte qytetarëve shqiptarë një sërë shërbimesh mjekësore të shtrenjta dhe të panevojshme që do të lejojnë hyrjen e jashtëligjshme në Itali.

Shkruaj nje koment