Greqia kërkon ngritjen e dhe të 8 mijë varreve të ushtarëve grekë, të rënë në luftën italo-greke të periudhës 1939-1940. Kjo kërkesë është bërë nga ish zyrtari i lartë i shtetit helen Jorgos Surrlas gjatë ceremonisë përkujtimore të organizuar në fshatin Bularat në Dropull mesditën e sotme. Ish nënkryetar i Parlamentit Grek dhe ish sekretar i Ministrisë së Drejtësisë greke dhe prej vitesh, kryetar i Shoqatës së Familjarëve të Ushtarëve Grekë të rënë në luftën italo-greke, Surrlas duke i’u referuar cështjes së mbetur pezull për gjetjen, grumbullimin dhe rivarosjen e të rënëve në luftën Italo-Greke në Shqipëri ndër të tjera tha:
Shpresoj për plotësimin e kërkesave tona që i kemi përsëritur në adresë të qeverisë shqiptare. Komiteti i përbashkët ndërshtetëror mes shtetit tonë dhe atij shqiptar që ka për qëllim zgjidhjen e kësaj cështjeje të bazuar në marrëveshjen e nënshkruar në vitin 2009 rifilloi nga puna dhe takimi i dytë u mbajt në Athinë para pak ditësh, shpreh bindjen se do celet rruga dhe gjendet zgjidhja e trajtimit të cështjes së mbledhjes së eshtrave të afro 8 mijë ushtarëve grekë që gjenden në territorin shqiptar, përvec varrezave që janë ngritur në Këlcyrë dhe Bularat.
Ndërsa ambasadorja greke në Shqipëri Elenis Uraniu, përshkroi sakrificën e popullit grek për liri dhe glorifikoi potencialin e popullit të saj sic e quajti që lirinë e ka në ADN e vet ku buron nga Leonidha, për të vazhduar tek perandori i fundit bizantin Kostandin Paleologu dhe përfunduar me JO-në greke të vitit 1940-1941. Prej disa vitesh kjo ceremoni kryhet në këto varreza ditën kur në Greqi shënohet ngjarja historike kur vendi i tha jo pushtimit nga Italia fashiste. Në 28 tetor të 1940, që njihet si dita kur kryeministri i asaj kohe Joanis Metaksas, i tha “JO”, ultimatumit të Italisë së Musolinit, për të hyrë pa hasur rezistencë në tokën greke nëpërmjet kufirit shqiptar, gjë që u bë shkak për fillimin e luftës.
