INTERPOL: Shqipëria me numrin më të madh të personave në kërkim. Ja sa ka nga Gjirokastra

0
221

Shqipëria është një nga vendet në Europë e në rajon me numrin më të madh të personave të shpallur në kërkim nga autoritetet policore.

Numri i personave të shpallur në kërkim nga qeveria shqiptare shkon në 718 të tillë, 24 prej të cilëve janë gra.

Deri ditën e sotme, para se të binte në prangat e policisë 36 vjeçari nga Tepelena, Qarku i Gjirokastrës numëronte në këtë listë 33 persona ku Gjirokastra dhe Tepelena ndahen me shifër pothujase të barabartë të personave të shpallur në kërkim (15 persona nga Tepelena dhe 14 nga Gjirokastra), ndërsa Përmeti ka vetëm 4 të tillë.

Por panorama nuk paraqitet kaq optimiste për Shqipërinë.

Duke analizuar të dhënat e Agjensisë Ndërkombëtare të Policisë kriminale Interpol ku aktualisht aderojnë 192 shtete vërtetohet se Policia Shqiptare ka shpallur në kërkim ndërkombëtar rreth 160 persona.

Shumica e tyre janë akuzuar për vrasje, tentativë vrasje, organizim kriminal, armëmbajtje pa leje, trafik e prodhim droge, shfrytëzim prostitucioni, abuzim detyre, mashtrim në forma të ndryshme, dhunë në familje etj.

Në vendet e rajonit të Ballkanit, Shqipëria shënon numrin më të madh të personave në kërkim ndërkombëtar.

Sipas të dhënave të Interpolit, Mali i Zi ka shpallur në kërkim 8 persona. Bosnja 114 persona në kërkim, Kroacia 1 person në kërkim ndërkombëtar, Greqia vetëm 1 person në kërkim, Maqedonia 0 persona në kërkim, Serbia 0 persona në kërkim, Sllovenia 7 persona në kërkim, Bullgaria 76 persona në kërkim e Turqia sipas Interpolit ka 0 persona të shpallur në kërkim ndërkombëtar.

Duke marrë parasysh numrin e përgjithshëm të popullsisë në vend e të sipërfaqes katrore të Republikës së Shqipërisë, të dhënat e Interpolit bëhen më alarmuese në nivel Europian.

Italia një shtet problematik pësa i përket nivelit të krimit e organizimeve mafioze, në bashkëpunim me Interpolin ka shpallur në kërkim 14 persona. Duke mos harruar se numri i përgjithshëm i popullsisë italiane kapërcen 60 milionë banorë.

Gjermania një vend i Europës Qëndrore me një popullsi mbi 82 milionë banorë e me një sipërfaqe prej 357 mijë km katror. Autoritetet e Policisë Federale Gejrmane në bashkëpunim me Interpolin, kanë shpallur në kërkim 5 persona.

Në Francë janë në kërkim ndërkombëtar janë 14 persona, në Spanjë 3 persona e në Rumani janë rreth 100 persona të shpallur në kërkim ndërkombëtar nga Interpoli e për llogari të autoriteteve vendase.

Në listën e personave të shpallur në kërkim ndërkombëtar nga autoritetet shqiptare renditen dhe emra të njohur të kronikës së zezë e lidhur jo pak me politikën shqiptare. I tillë është Dritan Zagani i shpallur në kërkim ndërkombëtar për arratisje nga vendi i paraburgimit. Izet Haxhia i akuzuar për vrasje në rrethana të veçanta. Hamdi Haklaj i akuzuar për vrasje.

Në listën e Interpolit për Shqipërinë nuk mungojnë dhe shtetasit me kombësi të huaj si maqedonasi Poo Gonov Vasko i akuzuar për mashtrim e Ling Chian Kee i akuzuar për mashtrim kompjuterik.

LEAVE A REPLY

Please enter your comment!
Please enter your name here