Dy banesa janë përfshirë nga flakët mëngjesin e sotëm në fshatin Llakatund të Vlorës.
Zjarri mendohet të ketë qenë i qëllimshëm për shkak të konflikteve. Si
pas të dhënave të deritanishme, për vendosjen e zjarrit janë bërë sherret mes familjarëve. Ish-dhëndri i familjes Lutfi Fanaj nga Kosova dyshohet se pas konflikteve fizike me ish-nusen e tij dhe familjarët e saj, ka djegur me benzinë shtëpinë e ish-vjehrrit.
Si pasojë e zjarrit është përfshirë nga flakët edhe shtëpia e fqinjit, Petrit Izetit.
Banesat janë djegur totalisht me të gjitha orenditë që ndodheshin brenda ndërsa familjarët kanë arritur të shpëtojnë.
