Revista prestigjioze e Universitetit të Oklahomas “World Literature Today”, ka njoftuar mbrëmjen e djeshme se Ismail Kadare është fitues i Neustadt 2020, çmim i njohur ndërkombëtar për letërsinë.
Neustadt është çmim që njeh meritat e jashtëzakonshme letrare në letërsinë në mbarë botën.
Ismail Kadare ka fituar shumë çmime ndërkombëtare dhe vlerësohet nga disa si një nga shkrimtarët më të mëdhenj të Evropës. Ai është përmendur shpesh si pretendent për Nobel në Letërsi.
Robert Con Davis-Undiano, Drejtori Ekzekutiv i Letërsisë Botërore sot, vëren se Kadare është “një nga shkrimtarët më të mëdhenj në botë dhe një kampion i demokracisë dhe fjalës së lirë”.Çmimet e fituara prej tij ,sukseset padyshim i shtojnë vlerat jo vetëm shkrimtarit por dhe vendit që përfaqëson.Gjirokastra ndihet krenare për të.
