Ivzi Hoxha, 62 vjeç, u dënua me një vit burgim pasi akuzohet se ka kërcënuar kryeministrin Edi Rama.
Gjykata e Tiranës gjeti fajtor 62-vjeçarin i cili është dënuar për veprën penale “kanosje për shkak të detyrës”. Gjyqtari i çështjes, Kujtim Vranici deklaroi se për shkak të gjykimit të shkurtuar, dënimi ndaj Hoxhës ulet me një të tretën dhe në përfundim, 62-vjeçari duhet të vuajë 8 muaj heqje lirie.
“Kërkoj mëshirë nga gjykata, ndihem i penduar”, deklaroi Hoxha para trupës gjykuese.
