Ishte parashikuar që në Gjirokastër, të vinte një emër tjetër, por në momentet e fundit, ministri i brendshëm Fatmir Xhafaj, vendos në krye të Policisë së Qarkut të Gjirokastrës, Koco Dafën me origjinë nga Përmeti.
Burime nga Jugunews.net referuar informacioneve konfidenciale në Ministrinë e Brendshme, bëjnë të ditur se komandimi i Dafës në krye të Policisë së Gjirokastrës, ka ndodhur në momentet e fundit të para dy ditëve pasi ishte planifikuar të emërohej në Gjirokastër, drejtori i Policisë së Lezhës.
Dafa mban postin e nëndrejtorit të Policisë së Qarkut prej majit të vitit të kaluar, ndërsa zëvendëson Lorenc Panganikan i cili po sot është prezantuar si drejtor i ri i Policisë së Qarkut të Korcës.
Me shumë mundësi pritet që Koco Dafa të emërohet zyrtarisht në krye të Policisë së Gjirokastrës gjatë javëve në vijim.