Kryeplaku i fshatit Frashër në Përmet është arrestuar nga Policia pas një aksioni të zhvilluar dje nga policia në këtë zonë. Në pranga ka rënë Klodjan Mustafa, 43 vjeç, kryeplak i fshatit Frashër.
Arrestimi i tij u pasua me një tjetër veprim nga ana e Prokurorisë së Përmetit për masën “Detyrim paraqitje” inspektoret e Policisë së zonës së Frashërit, Dhimitër Shyti dhe Maltin Dalilaj.
Po në këtë masë sigurie është lënë nga Prokuroria e Përmetit dhe inspektori i Zonave të Mbrojtura Joan Allamani.
Shërbimi për Çështjet e Brendshme dhe Ankesat në Drejtorinë e Vlorës, ka sinjalizuar për këtë aktivitet të paligjshëm ku ishin përfshirë dhe punonjës Policie.
Dje është pezulluar nga detyra deri në sqarimin e ngjarjes, shefi i Komisariatit të Përmetit Petrit Gjokaza, dhe në vend të tij është komanduar Vilson Dine, shefi aktual i Policisë Kriminale në Përmet.
Në masën e sigurisë “Arrest në shtëpi” mbahet ish-shefi i krimeve të Komisariatit të Përmetit Shpëtim Makashi.