Banorët e lagjes së sipërme të fshatit Lazarat, kanë tre ditë pa energji elektrike. Dy shtylla të rrëzuara në ish Ndërmarrjen e Ndërtimit, kanë shkaktuar këtë anomali për banorët e fshatit Lazarat, duke lënë në errësirë të plotë, gati 80% të popullsisë totale të fshatit më të madh në jug të vendit.
Furnizimi me rrymë elektrike është ndërprerë qysh prej rrëzimit të shtyllave si pasojë e motit të keq dhe vërshimit të ujërave nga koha e keqe që u shkarkuan në përroin pranë kësaj ish ndërmarrjeje në kthesën drejt lagjes “Zinxhira”.
Për këtë anomali, ka reaguar kryetari i PD të Gjirokastrës Roland Bejko. Ky i fundit ka kërkuar me urgjencë rikthimin e normalitetit të furnizimit me energji elektrike për banorët e Lazaratit aq më tepër që janë pagues të rregullt të energjisë së konsumuar.
Ndërkohë ka reaguar edhe deputeti i Gjirokastrës Tritan Shehu përmes postimit në FCB.
Shkaku sipas Shehut është tepër banal dhe bën fajtor për këtë gjendje OSHEE e cila nuk i përgjigjet thirrjeve të banorëve të Lazaratit.