Në muajin gusht numërohen 134 aksidente rrugore, duke shënuar rritje me 3,1 %, krahasuar me të njëjtën periudhë të vitit të kaluar. Tetëmujori i këtij viti paraqitet një rritje prej 20,1 %, pasi janë regjistruar 919 aksidente rrugore.
Kështu raporton INSTAT, numri i të aksidentuarve (të vrarë dhe të plagosur) është 200 persona. Ndërsa sa i përket bilancit të tetëmujorit, numri i të aksidentuarve është 1.250 persona nga 980 persona në 2020.
Ndërkohë numri i viktimave për muajin që lamë pas është 26 persona, ndërsa përgjatë tetëmujorit kanë humbur jetën 144 persona.
INSTAT thotë se aksidentet rrugore, në 84,3 % të rasteve, kanë ndodhur si pasojë e sjelljes së drejtuesit të mjetit. Numri më i lartë i aksidenteve në këtë periudhë është kryer nga grup-mosha 25–34 vjeç.
Aksidentet në këtë grup-moshë janë rritur me 3 %, krahasuar me të njëjtën periudhë të një viti më parë. Ndërsa sa i takon tetëmujorit, aksidentet në 15,7 % të rasteve, kanë ndodhur si pasojë e sjelljes së këmbësorit.