Ministri grek Dendias viziton nesër Shqipërinë


Mediat greke, e konsiderojnë si vendimtare vizitën në Shqipëri të ministrit të Jashtëm Nikos Dendias, e përcaktuar në axhendë ditën e nesërme në Tiranë. Mediat raportojnë se gjatë ditës së nesërme, Ministri Dendias, do të takohet me homologun e tij shqiptar, ku do të diskutohet për zonën ekonomike ekskluzive, midis Greqisë dhe Shqipërisë. Po ashtu, mediat në Greqi shkruajnë se në qendër të diskutimeve, do të jetë çështja e kufirit detar, e mbetur pezull që nga viti 2009, kur dy vendet nënshkruan marrëveshjen, por që më vonë u anulua nga Gjykata Kushtetuese shqiptare. Në axhendë, është përcaktuar se Dendias, fillimisht do të takohet me Ministrin e jashtëm në detyrë Gent Cakaj, në Ministrinë e Jashtme.
Më pas, Ministri i jashtëm i Greqisë, do të ketë një takim me Kryeministrin Edi Rama, ku pas takimit, do të ketë edhe një konferencë të përbashkët për shtyp. Gjithashtu, pritet të ketë edhe një takim me Presidentin Meta.

SHPËRNDAJE

Shkruaj nje koment