Ministri Tahiri, përuron Zyrën e Shërbimit për Qytetarët në Gjirokastër

Ministri Saimir Tahiri ka inaguruar dje Zyren e Shërbimit për Qytetarët në Drejtorinë Rajonale të Policisë Gjirokastër. Ministri i brendshëm, ka qenë i shoqëruar nga drejtori i Policisë së Shtetit Haki Cako, si dhe nga prefekti i Qarkut të Gjirokastrës Flamur Bime dhe kryetari i Këshillit të Qarkut Armand Hila. Tahiri e renditi Gjirokastrën në qarqet shembullore në bashkëpunimin me policinë. Ne besojmë tek shërbimi më i mirë ndaj qytetarëve me transparencë dhe pa korrupsion pasi është mënyra e vetme më e mirë për t’iu shërbyer qytetarëve dhe mbi të gjitha, për të fituar besimin e qytetarëve tha ai. Më pas ministri i’u drejtua Asim Zeneli ku morri pjesë në dorëzimin vullnetar të armëve. Nga Asim Zeneli, Tahiri u ka bërë thirrje të gjithë shqiptarëve të dorëzojnë armët pasi sipas tij, armët janë burim pasigurie dhe një arsye më shumë për të pasur konflikte. Armët janë premisa më e madhe për të pasur më shumë pasiguri. Vetëm vitin e kaluar, pjesa dërmuese e konflikteve që kemi pasur kanë qenë për motive të dobëta, pra dy qytetarë që në gjaknxehtësi e sipër kanë përdorur armët. Kjo është e patolerueshme dhe e palejueshme në Shqipërinë që duam-tha Tahiri duke theksuar se Shqipërisë nuk i duhen armët, por kultura librat dhe sporti, ndaj kushdo që ka një të tillë në shtëpi duhet ta dorëzojë sepse sipas ligjit askush nuk do të dënohet.

SHPËRNDAJE

Shkruaj nje koment