Prej 4 janarit të gjithë punonjësit e administratës publike, supermarketeve dhe qendrave tregtare në vend duhet të paraqiten në punë të pajisur me certifikatë vaksinimi.
Vendimi i Ministrisë së Shëndetësisë është botuar së fundmi edhe në Fletoren Zyrtare i cili parashikon që këto kategori duhet të paraqiten në punë po ashtu edhe me test PCR-je, çdo 5 ditë, ose certifikatë shërimi COVID-19.
Përjashtim nga rregullat e përcaktuara në këtë urdhër bëhet vetëm për rastet që kanë indikacion mjekësor të përcaktuar me dokument mjekësor për mosaplikimin e vaksinës.
Vendimi në Fletoren Zyrtare:
1. Punonjësit e administratës publike, punonjësit e supermarketeve dhe të qendrave tregtare, si një ndër kategoritë që rrezikohen dhe përbëjnë rrezik për të tjerët, me qëllim për të penguar përhapjen e infeksionit të shkaktuar nga Sars-Cov-2 (COVID-19),duhet të depozitojnë pranë qendrës së punës, duke filluar nga data 4.1.2022, një nga dokumentet e mëposhtme:
a) certifikatë vaksinimi COVID-19, të lëshuar nga e-Albania,që vërteton vaksinimin e plotë, në formë digjitale apo të printuar;
b)test PCR-je, çdo 5 ditë, të kryer sipas procedurëspër kryerjen e testeve për efekte administrative, për të verifikuar që nuk janë mbartës të infeksionit Sars-Cov-2;
c) certifikatë shërimi COVID-19 të lëshuar nga e-Albaniaose dokument të lëshuar nga autoritetet shëndetësore të vendit, që provon shërimin nga infeksioni Sars-Cov-2, me vlefshmëri deri në 6 muaj pas shërimit.
2. Përjashtim nga rregullat e përcaktuara në këtë urdhër bëhet vetëm për rastet që kanë indikacion mjekësor të përcaktuar me dokument mjekësor për mosaplikimin e vaksinës.
3. Ngarkohet Operatori i Shërbimeve të Kujdesit Shëndetësor, Inspektorati Shtetëror Shëndetësor, Instituti i Shëndetit Publik të bashkëpunojnë me institucionet e administratës publike dhe subjektet private që ushtrojnë aktivitet tregtar në supermarkete apo qendra tregtare, për zbatimin e këtij urdhri.
Ky urdhër hyn në fuqi menjëherë dhe botohet në Fletoren Zyrtare.
MINISTËR I SHËNDETËSISË DHE MBROJTJES SOCIALE Ogerta Manastirliu