Nga Artan Fuga/ Kongresi i PD dhe katër përballjet me të vërtetat

0
177

Akademiku Artan Fuga ka reaguar lidhur me zhvillimet e Kuvendit Kombëtar të PD-së të mbajtur të shtunë, ku ka nxjerrë në pah katër tipat e diskutantëve që folën në podium për zgjedhjet e 25 prillit.

Reagimin e tij në rrjetet sociale, Fuga e ka quajtur katër përballjet me të vërtetat dhe për të përkufizuar folësit, ai e ka paralelizuar situatën me librin e Shlomo Ibn Gabirol, i titulluar “Përgjedhja e Perlave”.

Reagimi i plotë

Duke dëgjuar me respekt diskutantët dhe raportin më vinte ndërmend një autori i shekullit të 11-të, poet dhe filozof, ka shkruar një libër që në shqip e përkthej si “Përgjedhja e Perlave”, quhet Shlomo Ibn Gabirol, hebre i vjetër.

Aty ai thotë se ka katër mundësi për t’u pozicionuar përballë së vërtetës djegëse:

  1. Janë ata që e njohin ku qendron problemi dhe e dinë që e dinë se ku është problemi. Ca prej tyre e thonë, ca e mendojnë por nuk e thonë, sa thonë të kundërtën e asaj që dinë sepse janë batakçinj ose kopila të mëdhenj. Ose lidera të mëdhenj!
  2. Ca të tjerë e dinë se ku fle ariu, pra e dinë të vërtetën, por nuk e dinë se e dinë. Këta ose janë tipa modestë, të sjellshëm ose nuk kanë guxim t’i pohojnë vetes ato që dinë sepose nuk ua mban, kurrizi, ose sepse kanë aftësi mendore të kufizuara.
  3. Ka të tjerë që nuk e dinë të vërtetën, nuk e njohin problemin, por nuk e dinë që nuk e dinë, dhe për rjedhojë kujtojnë se e dinë. Këta janë mendjefyella ose tipa që kënaqen me ca hamendje që i marrin si të vërteta ose mendojnë sa diametri i një gote rakie, ose aq dinë. Ose janë të sinqertë, por të padobishëm.
  4. Ka të tjerë realistë që nuk e dinë fare ku qendron problemi, ku është e vërteta, por ama e dinë që nuk e dinë dhe janë të qetë, të heshtur, presin një biletë vajtje – ardhje kaq!

E more Shlomoooooo sa i madh je! Kujtojnë këta se je naiv!

LEAVE A REPLY

Please enter your comment!
Please enter your name here