Ish Ministri i Drejtësië Ylli Manjani i ka kujtuar opozitës në Shqipëri sjelljen e opozitës hungareze kur ata u bashkuan të gjithë në një listë, kundër së keqes.
“Nuk po hyjmë në zgjedhjet e radhës, por në një betejë të madhe me një rregjim që po instalohet keq!”, shkruan Manjani.
“Ndaj, shton ai, merrni shembull e mblidhni mendjen, të dashur opozitarë! Ska rrugë tjetër”. “Vetëm një listë kundër të keqes. Kundër monizmit që po bëhet përditë e më i egër!”.
Ja postimi i plotë:
Kjo është ekzakt lëvizja e duhur e një opozite ku ka përballë një të fortë.
Kjo është shefja e opozitës Hungareze. Orbani që qeveris pa skrupuj, shpesh edhe kundër BE, i diktoi opozitës një ligj zgjedhor që i ndalonte të bënin koalicion parazgjedhor. Njësoj si Ed Rama.
Por, ja përgjigja e opozitës Hungareze:
Të gjithë në një listë kundër të keqes!
Fiks kjo i kërkohet edhe opozitës sonë. Jo një front me lista më vete. JO! NJË FRONT NJË LISTË!
Kjo i jep fund përçarjes vrastare!
Kjo i mbyll të gjitha hamendjet e supozimet.
Nuk po hyjmë në zgjedhjet e radhës, por në një betejë të madhe me një rregjim që po instalohet keq!
Ndaj, merrni shembull e mblidhni mendjen, të dashur opozitarë! Ska rrugë tjetër. Vetëm një listë kundër të keqes. Kundër monizmit që po bëhet përditë e më i egër!
