Hëna e plotë, e fundit për këtë dekadë, dhuroi një pamje spektakolare mëngjesin e 12 dhjetorit në orën 6:12 me orën tonë lokale. Ekspertët theksojnë se Hëna do të ketë të njëjtin efekt edhe gjatë fundjavës.
Hëna e plotë e dhjetorit njihet si Hëna e Ftohtë, për shkak të temperaturave të ulëta. Në disa zona të Oqeanit Paqësor Veriperëndimor, Kalifornisë së Jugut dhe disa rajone jugperëndimore të Arizonës, ditët më të ftohta të dimrit janë gjatë mesit të dhjetorit.
Në Europë, Hëna e plotë e dhjetorit njihet si Hëna e Lisit, referuar lisit si simbol i rezistencës dhe forcës.
