Bashkimi Qendror i Bashkive të Greqisë (KEDE) kërkon lirimin e menjëhershëm të kryetarit të Himarës, Fredi Beleri, i cili u arrestua nën akuzën për shitblerje votash.
KEDE me rezolutën e tij shpreh mbështetjen për Belerin, i cili ndodhet në paraburgim që prej datës 13 maj dhe i bën thirrje qeverisë shqiptare të vijojë me lirimin e menjëhershëm të tij.
Bordi thekson se arrestimi i Belerit dhe paraburgimi i tij, është shkelje flagrante e rregullave themelore të të drejtave të njeriut dhe shtetit të së drejtës.
Arrestimi i tij është bërë dy ditë para zgjedhjeve të 14 majit, pasi akuzohet për shitblerje votash.
Kjo ngjarje solli reagime edhe nga pala greke, e cila ka bërë shpesh thirrje për lirimin e Belerit.
