Pas shkarkimit të Arben Ahmetaj nga posti i zëvendëskryeministrit, Partia Socialiste ka menduar një detyrë tjetër për të.
Në nisje të seancës së sotme parlamentare, kryetarja e Kuvendit Lindita Nikolla, deklaroi se Ahmetaj është propozuar si anëtar në Komisionin e Integrimit.
Nikolla tha se propozimi është bërë nga kreu i grupit parlamentar të Partisë Socialiste.
Arben Ahmetaj u shkarkua pak javë më parë, ndërsa në vendin e tij u emërua Belinda Balluku, e cila mban edhe detyrën e ministres së Infrastrukturës dhe Energjisë.
