Detaje të reja kanë dal nga plagosja e dy personave në Sarandë. Mësohet se 52-vjeçari, Fatmir Jashari, i cili plagosi me thikë shtetasit Edmond Sulo dhe Spiro Llambri ka qene i dënuar më herët nga policia.
Jashari i njohur me pseudonimin “Radari”, me profesion peshkatar është arrestuar në Korfuz në vitin 2000, pasi po kryente trafik droge me një skaf. Si pasojë, ai u dënua me 2 vite burg.
Më tej, Jashari është arrestuar dhe në vitin 2009 nga Policia e Gjirokastrës me një sasi prej 50 kg marijuane, por u lirua pas disa muajsh. Ndërsa, në vitin 2013, ai është kapur në Sorone, Bashkia Konispol me 240 kg marijuane.
Gjate kontrollit te baneses se Fatmir Jasharit në 2009 u gjetën 3 zjarri automatike tip Kallashnikov, 2 kilogramë tritol, 680 kapsolla detonatore, ku 50 copë ishin të montuara me fije teli, 50 metra fitil ndezës, 1500 fishekë model 56 (automatiku) dhe 6 krehëra automatiku me fishekë.
