Publicistja kosovare: Edi Rama, bandit, arrogant, m’u thaftë dora që e kam vlerësuar në shkrime

Publicistja Kimete Berisha ka deklaruar se Edi Rama është njeriu më arrogant që ka takuar në jetë. Ajo është penduar që ka shkruar mirë për të, por këtë gabim do ta korrigjojë në të ardhmen.

Ajo është irrituar pas një takimi që ka pasur me Edi Ramën pasi ky i fundit e kishte trajtuar me mospërfillje.

Publicistja nga Kosova ka shkruar vazhdimisht pozitivisht për Kryeministrin e Shqipërisë, madje edhe pas një furtune deklaratash kundër tij pak muaj më parë, kur ai dha një intervistë në Klan Kosova, tek Baton Haxhiu.

Për Bashën shprehet se edhe pse e kishte sulmuar vazhdimisht, lideri Demokrat e kishte gjetur kurajon ta përshëndeste.

DEKLARATA E PLOTË:

U njoftova me Edi Ramën në Bienalen e Venedikut.

Nga afër, ai është njeriu më mosmirënjohës, më mendjemadh, më arrogant dhe më bandit që e kam takuar ndonjëherë në jetën time, ndërsa s’ka njeri gati që i thotë vetes dikushi që s’e kam takuar.

Nuk e kuptoj ku u nisë ai njeri me atë mendje.

Ai sillej më ‘madhështor’ se ura Rialdo, thuajse tipi është në mbrojtje të UNESKO-s.

Njëherë mendova mos është ‘i pasigurtë’, pastaj thashë mos është ‘autist’, dikur kqyra mos është ‘psikopat’, pastaj e lash krejt…s’ia vlen të merresh me të.

Unë kam thur vargje aq të mëdha për të (m’u thaft dora), dhe gati jam e vetmja nga Kosova që kam shprehur simpati publike për të, e ai më priti aq keq, thuajse e kam pas me borxh m’u merr me të.

Njeriu mosmirënjohës, është i pari në Listën e zezë të Zotit. Prandaj kur bie, bie me hundë e buzë bashkë.

E dyta: gruaja e tij ish shumë e sjellshme, hallall i qoftë qysh duron e nuk pëlcet pranë gjithë asaj energjie negative.

Ndoshta me mua s’është diçka në rregull, e kam gjakun e thartë, se ndoshta veç mua më priti aq ftohtē, s’di pse, se po ky Edi Rama ua ngjitke lidhaz në qafë Mimozës e grave tjera të Kosovës kur i takonte.

Paradoksi është ky: Një ditë përpara në Tiranë e takova Lulzim Bashën kalimthi dhe anipse kam shkruar zi e terr kundër tij, ai gjeti forcë dhe më përshëndeti i buzëqeshur.

Kështu jemi ne ‘binjakët’, si Lulzimi, jodogmatë dhe të kthyeshëm.

Kush që ju bjen shqiptarëve n’fije nuk ka.

Kur i ikë-të ndjek.

Kur e ndjek-të ikë.

P.S. Kështu që mos prit prej meje kurrë më shkrim pro Edi Ramës, njeriut më mendjemadh dhe më negativ që e kam njoftuar në jetë. Sese, ai nuk është idoli im. Do të kujdesem t’i bindë edhe ata pak veta që ende mendojnë mirë për të, siç kam mendyar unë.

Mua është dashur të më trajtonte si poezi, dhe ka gabuar shumë që s’më ka trajtuar si poezi.

Burimi:Shuplaka.com

SHPËRNDAJE

Shkruaj nje koment