Qeveria s’di ta përdorë vetë e-Albanian, Ahmetaj: Bëra kurs për ta mësuar

0
31

Qytetarët ankohen se e kanë të vështirë që të përdorin e-Albanian, sidomos brezi i moshuar që i duket një proces kompleks dhe që në pjesën më të madhe të rasteve po u drejtohen kancelarive dhe qendrave të internetit për të marrë shërbimet online.

Por, problem me përdorimin e e-Albanias nuk kanë vetëm qytetarët. Edhe vetë Qeveria e ka të vështira që ta përdorë dhe për ta mësuar ka bërë kurs. Nuk e dimë nëse edhe Edi Rama e ka bërë një kurs të tillë apo jo, por zëvendësi i tij në kabinet, Arben Ahmetaj e pranoi publikisht.

“U detyrova që të bëja një minikurs për të përdorur me lehtësi e-Albania. E kam bërë kursin për të kuptuar se çfarë ofron. Do t’ju kërkoja të mos jeni siç jeni zakonisht pak konservatorë, e di shumë mirë që jeni në diskutime AKSHI për sa i përket përdorimit të platformës”, tha Ahmetaj gjatë një tryeze të organizuar nga Shoqata e Bankave.

Shkruaj nje koment