Rama prezanton programin: Paga minimale do bëhet 30 mijë lekë.

Ditën e sotme kryeministri Edi Rama prezantoi planin e nxitjes së punësimit në mbështetje të atyre që kanë mbetur të papunë gjatë pandemisë.
Rama premtoi jo vetëm pagesë dyfish të ndihmës ekonomike për personat që kanë humbur vendin e punës por edhe ripunësim.
Rama tha ndër të tjera se veç heqjes së tatim-fitimit dhe TVSH-së për bizneset e vogla, do punohet për rritjen e pagës minimale si në shtet ashtu edhe në privat deri në masën 30 mijë lekë.
Programet iu vijnë në ndihmë atyre që kanë nevojë të riintegrohen në tregun e punës. Rritja ekonomike është shoqëruar me rritje punësimi. Zyra e punës dikur në ministrinë e Punës lëshonte vec lëmosha. Rrjeti i zyrave të punës ishte një rrjet qesharak e skandaloz, godinat ndaheshin me bingo, pub-e e bare që i jepnin vetë drejtorët e tyre me qira. Sot kemi 44 mijë punëdhënës të regjistruar në sistem dhe që do të thotë 44 mijë bashkëpunëtorë të të gjithë rrjetit të zyrave të punës. Për ata që humbën punën në pandemi do kemi 2 fishim të ndihmës ekonomike pas situatës me covid. Kujtojmë që nga qershori 20 mijë prej 30 mijë personave që humbën vendet e punës u ripunësuan. Aplikimet tani për tu ripunësuar bëhen përmes E-Albania, pa asnjë kosto shtesë. Sot jemi duke definuar edhe atë masë që ka qënë një nga objektivat tona vendosja e pagës minimale 30 mijë lekë, kjo masë edhe në sektorin privat”- tha Rama.

SHPËRNDAJE

Shkruaj nje koment