Kryeministri Edi Rama i është përgjigjur akuzave të rënda të deputetit të LSI Vangjel Tavo. Duke folur nga studion e emisionit ‘Tonight Ilva Tare’ në Ora News, Rama dha një paralajmërim për Tavon duke nënkuptuar se ia ka “falur” deklaratat që ka bërë. “Nuk i marr seriozisht burrat me kostum që flasin pas pilafit apo gjatë pilafit. Çdo njeri ka të drejtë për të gabuar njëherë”, tha kryeministri Edi Rama për Vangjel Tavon. Ky i fundit, ka shtuar dozën e sulmeve ndaj Policisë së Shtetit si të implikuar në trafiqe ilegale.
