Marrin fund dilemat, aeroporti i Jugut do të jetë në Vlorë.’Firmën’ e ka vënë sot kryeministri Edi Rama që ka bërë të ditur në profilin e rij në rrjetin social në Facebook se diskutimet që projekti të marrë jetë po i bën me Turqinë, konkretisht me Presidentin Tayp Erdogan. “Drekë në Stamboll me Presidentin Erdogan për projektin e aeroportit të Vlorës, linjën ajrore shqiptare e investime të tjera strategjike”, shkruan kryeministri Rama. Me këtë deklarim, Rama hoqi një herë e përgjithmonë mundësinë, e riaktivizimit të Aeroportit të Gjirokastrës, që ka funksionuar prej viteve ’30 e deri në vitet ’90.
