Një reagim që as nuk pohon dhe as nuk mohon zërat për blerjen e Abazajt nga Skënderbeu.
Në orët e mbasdites së sotme, media të ndryshme, përcollën lajmin se Kristal Abazaj u shit tek ekipi i Skënderbeut. Por ka ardhur reagimi i Bordit Drejtues të Luftëtarit ku nuk thotë asnjë gërmë për shitjen apo mos shitjen e Abazajt tek Skënderbeut, duke u mjaftuar me një retorikë të thatë.
Reagimi ka ardhur në një faqe FCB që ndonëse pretendon se është faqe zyrtare e Luftëtarit.
E nëse do t’i përmbahemi këtij reagimi, Jugunews.net e përcjell sic është.
Bordi drejtues i Luftetarit, mbledhur pas lajmeve te stisura nga portale te ndryshme ben me dije se grupi i ortakeve vijon te jete i bashkuar dhe te mbeshtese pa rreshtur Luftetarin. Presidenti Tavo dhe zv.presidenti Dadaj jane te angazhuar maksimalisht per te ndertuar nje skuader te madhe. Lajme te tilla nuk na shqetesojne aspak por na motivojne per te punuar me shume per skuadren tone.
