Shirat e dendur të 24 orëve të fundit kanë lënë sërish pa energji banorët e Njësisë Administrative Kurvelesh.
Moti i keq I ditëve të fundit ka shkaktuar avari në rrejtin elektrik të kësaj zone, duke lënë sërish në errësirë fshatrat e kësaj njësie administrative.
Mungesa e energjisë elektrike është një problematikë e përhershme për banorët e kësaj zone malore që duhet të vuajnë izolimin e herëpashershëm.
Burimet zyrtare raportojnë se reshjet e dendura të shiut nuk janë shoqëruar me problematika të ndjeshme në Qarkun e Gjirokastrës.
Të gjitha akset janë të kalueshme, ndërsa ka një rritje të nivelit të lumit Vjosa në 2.3 m.
