Rreziku që vjen nga ndërtesat e braktisura në Gjirokastër/Qytetarët të frikësuar për jetën e tyre

0
58

Moti i keq i ditëve të fundit ka sjellë sërish probleme në disa zona të pjesës së sipërme të qytetit të gurtë.Ndërtesa të shumta në qarkun e Gjirokastrës disa prej tyre të shpallura edhe monumente kulture rrezikojnë shembjen .
E tillë është dhe kjo godinë qindra vjeçare e braktisur në lagjen Varosh.Ndonëse në një rrugë kyçe ,e cila të çon për në Pazarin karakteristik në qytetin e Gjirokastrës, kjo ndërtesë nuk ka patur ndonjëherë ndonjë ndërhyrje nga instancat lokale apo ato qëndrore.Jo pak herë gurë apo elemente të ndryshme të mbetura prej saj janë rrëzuar në kalldrëm .Kjo rrugë është e rëndësishme ,për më tepër në të lëvizin jo vetëm banorët e lagjes përreth por edhe të tjerë, fëmi ,apo të moshuar ,vendas apo turistë.


“E rrezikshme është ,duhet të ndërhyet ta rregullojnë ,të merren masa.Po dhe ashtu siç është ,dhe turistët që e shikojnë ,që kalojnë këtu u lë një shije të keqe.Ndërtesa të tilla ka plot Gjirokastra”-thotë një banor.


” Po të bëjë kohë e keqe me erë e shi siç ka bërë këto ditë ,rrëzon gurë a shkëput ndonjë sufatim e rrëzohen këtu në kalldrëm .Mund dhe të shembet aty s ‘vendos dorë kush.Po u shemb i prishi të gjitha këto shtëpi këtu ,është jetë e njerëzve në rrezik.Kalimtarë ka plot këtu.Mirë rreziku nga shembja por është kthyer dhe vend për hedhje mbeturinash.Mbushet plot e si pastron njeri,kundërmon lagjia këtu”-thotë një tjetër banor.


Rreziku nga shembjet e ndërtesave arkaike në qytet është tepër shqetësues .Por derisa instancat mos të veprojnë jeta e kalimtarëve dhe banorëve në këtë zonë të qytetit do të vazhdojë të mbetet e tillë ,në rrezik!

Shkruaj nje koment