Sezoni i rakisë dhe verës jo vetëm traditë por edhe një mënyrë për të siguruar të ardhura

0
146

Vjeshta është sezoni i nxjerrjes së rakisë apo verës,një traditë e hershme që vazhdon të ruhet edhe në ditët e sotme në Gjirokastër.Vec kënaqësisë personale ,individë të ndryshëm ,kanë gjetur këtë si një mundësi për të fituar para.Kryesisht fermerët janë ata që e praktikojnë më së shumti për vetë faktin që kanë kuintalë të tërë rrushi. Në të gjithë fshatrat e vendit në këto ditë ,aktiviteti kryesor tek banorët është nxjerrja e rakisë dhe verës .Gjithandej ndihet era e zjarrit që ndizet për zierjen e kazaneve të rakisë . Dikur fermentimi i rrushit dhe distilimi me metoda artizanale bëhej për konsum familjar, por ekonomia e tregut i ktheu banorët e Gjirokastrës në rakishitës. Edhe pse mundi paguhet pak sipas tyre. Një shishe raki apo verë nuk e kalon shifrën e 5 mijë lekëve të vjetra .Për prodhuesit e vegjël kjo është një shumë minimale me ato cka paguajn ata si dhe mundimin por halli i bën të shesin sa të jetë e mundur .

“E bëjmë se e kërkon shtëpia dhe zakoni .E kemi pas traditë dhe e përcjellim në breza .Për ta shitur nuk ia vlen dhe aq se paguajnë pak .Tani është koha që bëjnë pothuajse të gjithë por që varet nga cilësia.”-thotë një banorë i fshatit Asim Zenel.

“E shesim në qytet ,3 mijë lekë ose 5 mijë lekë të vjetra shishja ,varet nga shishja .Po janë shumë pak për mundin që heqim.Sa të dali le të dali kur i thonë .”- shprehet një tjetër banorë .

Jo vetëm në fshatra por edhe banorët e qytetit të gurtë e vazhdojnë këtë traditë por në dallim nga ata të fshatit sasia e rakisë që nxjerrin është e pakët dhe sa për të patur në shtëpi sic thuhet , për tia nxjerrë mikut .

LEAVE A REPLY

Please enter your comment!
Please enter your name here