Shengeni Ballkanik, Basha: Dështimi me integrimin europian nuk mund të zëvendësohet me propagandë

0
51

Kryetari i Partisë Demokratike, Lulzim Basha, ka reaguar për marrëveshjen e Shengenit Ballkanik. Basha shkruan në Twitter se, dështimi me integrimin europian nuk mund të zëvendësohet nga propaganda anti-europiane e një autokrati të korruptuar.

Më tej,  lideri demokrat shkruan se, ka ardhur koha që Shqipëria të nxjerrë në dritë potencialin e saj të vërtetë.

“Lëvizja e lirë e njerëzve, mallrave, shërbimeve dhe kapitalit është thelbi i integrimit europian dhe Europës së bashkuar. Parakushte për lëvizjen e lirë janë demokracia, sundimi i ligjit dhe garantimi i të drejtave dhe lirive themelore të njeriut. Dështimi me integrimin europian nuk mund të zëvendësohet nga propaganda anti-europiane e një autokrati të korruptuar, shkaktar i prapambetjes ekonomike dhe varfërimit të qytetarëve shqiptarë. Ka ardhur koha që Shqipëria të nxjerrë në dritë potencialin e saj të vërtetë!”, shkruan Basha.

Shkruaj nje koment