Komisioni i Pavarur i Kualifikimit shpalli të martën vendimin për shkarkimin nga detyra të gjyqtares Mirela Iliopullo.
Gjyqtarja nuk ishte prezente gjatë shpalljes së vendimit.
Procesi i vetingut ndaj Iliopullos u krye nga trupa e kryesuar nga Valbona Sanxhaktari, me relator Lulzim Hamitajn dhe anëtare Xhensila Pinen. Në cilësinë e vëzhguesit ndërkombëtar ishte i pranishëm Tomçi Petkoviç.
Mirela Iliopullo, gjyqtare në Gjykatën e Rrethit Gjyqësor Gjirokastër iu nënshtrua vetingut me 9 qershor për tri kriteret e vlerësimit, atë të ligjshmërisë së pasurisë dhe kriterin etik dhe profesional dhe trupa gjykuese vendosi sot se nuk i plotëson të tria kritere dhe vendos shkarkimin e saj nga detyra.
Mirela Iliopullo e ka nisur karrierën në sistemin e drejtësisë në vitin 1997. Ajo punon prej gati dy dekadash si gjyqtare në Gjykatën e Rrethit Gjirokastër.