Shpërndanin kokainë në qytete të ndryshme, goditet banda e shqiptarëve në Belgjikë

0
132

Një grup shqiptarësh kanë rënë në prangat e policisë belge, në një operacion për goditjen e trafikut të lëndëve narkotike.

Policia Gjyqësore Federale (FGP) kreu disa kontrolle shtëpish në Berchem, Deurne, Etterbeek, Hoboken, Jette dhe Woluwe-Saint-Pierre, si pjesë e një hetimi për importin në shkallë të gjerë të kokainës, shkruane mediat vendase. 

Kokaina do të importohej nëpërmjet portit të Antwerpen dhe do të shpërndahej nëpërmjet korrierëve në vende të ndryshme evropiane pas ruajtjes në vendndodhje pranë Antwerpen. Me shpërndarjen e mëtejshme, kokaina do të transportohej në zona të fshehura në qytete të tjera.

Nëntë persona u arrestuan gjatë kontrollit, mes tyre shqiptarë. Ata janë marrë në pyetje nga policia dhe janë sjellë para gjyqtarit hetues.

Gjyqtari hetues vendosi të arrestojë gjashtë të dyshuar, gjashtë meshkuj të moshës 28 deri në 55 vjeç, të dyshuar për import dhe transport të lëndëve narkotike në bashkëpunim. Ata do të dalin në gjykatë javën e ardhshme. Hetimi do të vazhdojë nën drejtimin e gjyqtarit hetues.

LEAVE A REPLY

Please enter your comment!
Please enter your name here