Shqipëria është shumë e ekspozuar ndaj fatkeqësive natyrore. Referuar një studimi të OKB sipas indeksit të riskut, Shqipëria është vendi numër një në Europë dhe e 40-ta në botë. Humbjet nga përmbytjet arrijnë në 1.6 % të GDP vjetore. Janë 626 ujëmbledhës, rezervuarë në Shqipëri dhe kanë nevoja të mëdha financiare pasi janë të vjetër dhe duan rikonstruksion. 619 janë përgjegjësi të bashkive me probleme të mëdha në shkarkesa, digat dhe kapacitetet e tyre.
Zyra e OKB në Shqipëri ka ngritur shqetësimin për ndryshimet klimatike në vendin tonë të shoqëruar me verë të nxehtë e të thatë si dhe rrebeshe shiu që priten të shkaktojnë përmbytje.
