Skandali seksual i Gjicit, GJKKO kalon për gjykim çështjen

0
73

Gjykata e Posaçme kundër Korrupsionit dhe Krimit të Organizuar ka kaluar për gjykim dosjen në ngarkim të ish-kryebashkiakut të Kukësit, Safet Gjici dhe shtetases Alma Kaçi.

GJKKO e pranoi kërkesën e përfaqësueses së akuzës Manjola Kajana për ta kaluar dosjen për gjykim për veprat penale ‘Korrupsion pasiv’ sa i përket Gjicit dhe ‘korrupsion aktiv’ për Kaçin.

 “Kisha dëgjuar dhe marrë informacione se zyrtarë të tillë kryenin veprime në shkelje të funksionit, përfshirë edhe Gjicin. Vendosa të bëj një investigim, nuk kisha aspak qëllim të përfitoja tender apo ndonjë favor të tillë. Doja vetëm të faktoja se si zyrtarët e lartë abuzojnë me detyrën,” tha Kaçi në gjyq.

Ndërkohë Gjici tha se skenari është i sajuar duke mos kursyer as akuzat.

“Nuk ka asnjë fakt, asnjë provë, asnjë firmë a vendim që të provojë se e kam kryer veprën penale. Është çështje e sajuar nga ushtarë politik,” tha Gjici. 

Shkruaj nje koment