Dita e sotme shënon 80 vjetorin e fjalimit mbi “Katër Liritë” të Franklin Delano Roosevelt, njoftoi Ambasada amerikane në Tiranë.
“Më 6 janar 1941, Presidenti Roosevelt bëri të qartë se Shtetet e Bashkuara të Amerikës po luftonin për liritë të cilat u përkasin të gjithëve: lirinë e shprehjes, lirinë e fesë ose besimit, lirinë nga varfëria dhe lirinë nga frika.
Të drejtat dhe liritë themelore të njeriut janë të thurura në strukturën e qeverisë dhe shoqërisë amerikane.
Parimet themeluese të Amerikës i kanë rrënjët tek besimi në dinjitetin e lindur të çdo qenieje njerëzore,” thekson ambasada dhe publikon edhe videon në vijim.
