SPAK kërkon rikthimin në burg/ Alqi Bllako paraqitet në Gjykatën e Posaçme të Apelit

0
52

Pasi SPAK ka apeluar masë dhe kërkon rikthimin e ish-deputetit Alqi Bllako në burq, mëngjesin e sotëm është paraqitur në Gjykatën e Apelit të Posaçëm.

I shoqëruar nga avokati i tij, Sokol Hazizaj, Bllako është paraqitur pranë ambienteve të GJKKO për masë sigurie.

Apeli i GJKKO do të vendosë sot nëse ish-deputeti do të mbetet në arrest shtëpie apo nëse do të rikthehet në qeli.

SPAK ankimoi  në Apelin e Posaçme vendimin e shkallës së parë që i bëri Bllakos zëvendësim të masës së sigurimit nga arrest në burg në arrest në shtëpi.

Gjykata vendosi më 6 tetor caktimin e masës “Arrest shtëpie” për Bllakon, i cili u arrestua më 31 mars pas akuzave për inceneratorin e Fierit.

Bllako u arrestua më 31 mars të këtij viti me akuzat “shpërdorimit të detyrës” dhe “korrupsionit”, i dyshuar si i përfshirë në aferën e inceneratorit të Fierit, duke firmosur disa shkresa që tjetërsuan truallin në Fier.

Shkruaj nje koment