Katër stacione franceze radiosh nuk do të kenë mundësi të transmetojnë ndeshjen Shqipëri – Francë për shkak të kostove teknike.
Gazeta franceze “L’Equipe”, shkruan se përfaqësuesit e radiove “Europe 1”, “Radio France”, “RMC” dhe “RFI”, kanë njoftuar se transmetimi nuk është i mundur prej “kostove teknike”, të kërkuara nga Federata Shqiptare e Futbollit.
Sipas tyre, kostot tradicionale të instalimit dhe përdorimit të linjave janë shoqëruar edhe me një kosto tjetër shtesë nga ana e FSHF-së. Kjo për ta nuk ishte e justifikueshme, dhe nuk ishte aspak në përputhje me rregulloren e UEFA-s.
Në këtë çështje ka ndërhyrë edhe Federata Franceze e Futbollit, duke u përpjekur për të gjetur një kompromis, por pa mundur të gjejë një marrëveshje.
