Sulmoi ish-të dashurin me bomba molotov, dënohet me burg e reja shqiptare

0
162

Autoritet greke kanë dënuar me 8 muaj burg, 21-vjeçare shqiptare, pasi sulmoi ish-partnerit të saj me bomba molotov.

Ish-partneri i saj ka pohuar në gjykatë se që nga shkurti i 2023-ës ai ka dalë herë pas here me 21-vjeçaren që jeton në Rodos me babain e saj, por nuk kishin pasur një lidhje.

I riu ka zbuluar gjithashtu se në vitin 2018, 21-vjeçarja ishte shtruar në një klinikë psikiatrike dhe merrte mjekim.

Sipas deklaratës së tij, vajza me origjinë shqiptare e kishte kërcënuar gjithashtu se do t’i digjte shtëpinë dhe makinën.

Në korrik, kur ai i shprehu dëshirën për të shkëputur marrëdhënien, ajo filloi ta kërcënonte atë dhe familjen e tij. Sipas 26-vjeçarit, vajza e kërcënoi se do i digjte shtëpinë dhe makinën e tij dhe do e dërgonte në spital, nëse do e shihte me një vajzë tjetër.

Më 18 shtator, në mëngjes kur i riu doli nga shtëpia e të atit për të shkuar në punë, u përball me vajzën e cila filloi ta kërcënonte se do e bënte për spital dhe se do hidhte bomba molotov në shtëpinë e tij.

Shkruaj nje koment